Et gëtt an zwee Joer ee Wiessel un der Spëtzt vum London Philharmonic Orchestra (LPO). De Paavo Järvi iwwerhëlt vun der Saison 2028/29 un d’Baguette vum Londoner Spëtzenorchester. Aktuell ass do de Britt Edward Gardener Dirigent, deen dëst Amt 2021 iwwerholl hat.
Den 63 Joer alen Dirigent Paavo Järvi mat estnesche Wuerzelen, deen ënner anerem och vum Leonard Bernstein geléiert huet, ass aktuell Museksdirekter vum Tonhalle Orchester zu Zürech, kënschtleresche Leeder un der Däitscher Kammeroper vu Bremen a Grënner vum Estonian Festival Orchestra.
Den Numm Järvi dierft villen e Begrëff sinn: Säi Papp ass den Neeme Järvi, och weltbekannten Dirigent, deen als Dirigent mat déi meeschte Produktioune mat Orchestere realiséiert huet: Iwwer 400 Stéck ginn op säi Kont.
Säi Jong, de Paavo Järvi, deen de Base iwweregens geléierte Batteur ass, iwwerhëlt de London Philharmonic Orchestra elo mol fir 5 Joer, also bis 2032. Dat Joer, an deem den Orchester dann och 100. Anniversaire feiere wäert.
