39 Joer al ass déi chineesesch Dirigentin, déi an deene leschte Joren een enorme Karriäropschwong erlieft. Ugefaangen huet hiren erfollegräiche Parcours als Gewënnerin vum Donatella Flick Dirigenteconcours 2014, wourop hin d'Elim Chan Assistenzdirigentin vum London Symphony Orchestra gouf.
Et koumen Ustellungen als Gaaschtdirigentin fir de Royal Scottish Symphony Orchestra a Chefdirigentin vum Sinfonieorchester vun Antwerpen.
Virum e puer Wochen eréischt gouf d'Elim Chan dann och als Artistic Partner vun de Wiener Sinfoniker fir d'Saison 26/27 ernannt. Elo ass si dann déi éischt Fra an der Geschicht vum kaliforneschen Orchester an och 13. Persoun, déi d'Leedung iwwerhëlt.
Hir nei Tâche als Chefdirigentin vum San Francisco Sinfonieorchester trëtt d'Musekerin am September 2027 un. Een éischten Optrëtt gëtt et awer schonn de 5. a 6. Juni 2026. Hei presentéiert si d'Prelude an de Liebestod aus dem Richard Wagner sengem "Tristan und Isolde", wéi och Les nuits d'été vum Hector Berlioz a La Mer vum Claude Debussy.
