Och wann den Alarmniveau nach net erreecht wier, géif d’Situatioun ugespaant bleiwen. Am Communiqué vum Roude Kräiz heescht et:
“Alle spendefähigen Personen sind daher aufgerufen, sich in den nächsten Tagen aktiv zu mobilisieren.”
De Réckgank vun de Bluttreserve wier virun allem op d’Ouschtervakanz zeréckzeféieren. An där Zäit wier däitlech manner gespent ginn.
Duerch d’Feier- an d’Bréckendeeg dëse Mount géif d’Situatioun sech verschäerfen, esou d’Rout Kräiz.
Kritesch Situatioun soll evitéiert ginn
Eng séier Mobiliséierung vu Spender:inne wier wichteg, fir an den nächste Wochen eng kritesch Situatioun ze vermeiden.
D’Directrice vum Bluttspende-Zentrum Anne Schuhmacher huet erkläert:
"Blut spenden ist eine einfache, aber unverzichtbare Geste, die es ermöglicht, jeden Tag in Luxemburg Leben zu retten. Wir alle (...) könnten eines Tages eine Bluttransfusion benötigen. In dieser heiklen Zeit zählt jede Spende, um einen ausreichenden Vorrat aufrechtzuerhalten und die Sicherheit von Kranken und Verletzten zu gewährleisten.”
D’Rout Kräiz recommandéiert de Spender:innen e Rendez-vous online auszemaachen.
D’Rout Kräiz ass déi eenzeg Organisatioun, déi zu Lëtzebuerg fir d’Sammelen a fir d’Verwaltung vu Bluttspenden zoustänneg ass.
