An der 26. Editioun vum Rainy Days Festival ginn insgesamt 54 Eventer gebueden, déi all tëschent dem 17. an dem 22. November sinn. Um leschten Dag stinn um Rainy Days Festival direkt 4 Uropféierungen op engem Concert um Programm. Dorënner och eng vum Lëtzebuerger Komponist Nik Bohnenberger. Säi Wierk “Embers” ("Gléient Äschen") befaasst sech mam Klang nom Enn vun der Welt, a reit sech domat perfekt an an d’Thematik vum Festival: Heat (Hëtzt).
An dësem Concert ginn all Wierker vum Lëtzebuerger Akkordeonist Frin Wolter interpretéiert, deen op engem duerch Elektronik erweiderten Akkordeon optrëtt. Den Nik Bohnenberger verréit am Interview, wéi hie mat der Elektronik d’Kläng vum Instrument verännert. Lescht Joer war de Lëtzebuerger Komponist och schonn um Rainy Days Festival dobäi, a seng Komponistioun "hands, drum - three bones" gouf duerno a méi Stied opgefouert. Hie verzielt eis, wéi dat zustane komm ass.