De Projet hätt zu Spléckunge gefouert, déi net méi am Interêt vum ursprünglechen Zil géife leien, heescht et. Den Infantino wollt jo en Deel vun de kommerzielle FIFA-Rechter, zum Beispill un der Weltmeeschterschaft, u privat Investisseure verkafen.
Déi europäesch Fussballunioun UEFA huet iwwerdeems Konsequenze gefuerdert an de FIFA-Präsident op en Neits schaarf kritiséiert. Déi aktuell FIFA-Féierung hätt net nëmmen d'Vertraue vun der UEFA verluer, mee och dat vu ville weidere Memberen aus der Fussballfamill, esou den europäeschen Daachverband.
