De Pianist a Komponist John Maia lieft zu Lëtzebuerg an ass international bekannt. Awer net hei am Land: seng Fans kommen haaptsächlech aus aneren europäesche Länner a Südamerika a just 1% ass aus Lëtzebuerg. Hie komponéiert a spillt seng Musek vun doheem aus a publizéiert da Videoen op de soziale Medien. Verschidde Videoen si vu Millioune Leit ugeklickt ginn. Mee wéi huet hien et gepackt, op Social Media viral ze ginn?
An dësem zweeten Extrait vu Klassik Talk verréit den John Maia dem Marie Trussart, wat seng Social Media-Strategie ass, wat dem Algorithmus am meeschte gefält a firwat dat Ganzt senger Meenung no haaptsächlech 'learning by doing' ass.
