Hee gesäit den Orchester als Gemeinschaft, an där Museker och mënschlech fir Plaz fanne kënnen: Den Arthur Stockel als Solo-Klarinettist bei de Lëtzebuerger Philharmoniker, a säi musikalesche Wee huet hie vu sengen Ufäng am Elsass iwwer London bis op déi bedeitendst Concertsbüne vun der Welt gefouert.
Am Gespréich mam Oceana Kaell verréit hien, datt hien eigentlech mat sechs Joer Gittar léiere wollt - doraus ass awer näischt ginn, an hien ass éischter zoufälleg op d'Klarinett gewiesselt. Doraus gouf da seng Leidenschaft.

Trotz senger klassescher Ausbildung gesäit den Arthur Stockel Klassik an Improvisatioun net als Géigesätz. No de Lockdowns huet hien sech intensiv mat der Jazz-Zeen zu Paräis beschäftegt an dobäi geléiert, och emol vum Nouteblat fortzegoen an der Emotioun méi Gewiicht ze gi wéi der technescher Perfektioun. Egal ob beim Marlboro Music Festival zu Vermont - wou hien niewebäi e ganze Fussballstournoi organiséiert huet - oder op Asien-Tournée: Fir hien ass Musek virun allem ee gemeinsaamt Erliefnis.
An hie kuckt voller Freed an d'Zukunft: Als ECHO Rising Star 2027/2028 wäert hien an 23 Concertshaiser a ganz Europa spillen, an hie schafft un engem grousse Brahms-Projet.

Vir d'éischt erzielt hien awer, wat hie kuerz virun der Asien-Tournée vun de Lëtzebuerger Philharmoniker beschäftegt, a wéi hien dozou steet, fir d'Aarbecht ze reesen.