Dem Pianist Nelson Goerner seng Karriär huet 1990 zu Genève richteg Schwong opgeholl, wéi hien d’International Music Competition gewonnen huet. Schonn deemools huet hien zesumme mam Orchestre de la Suisse Romande gespillt.
Hei begéine si sech erëm an um Programm steet de bekannte Pianosconcerto Nr. 23 vum Mozart, e Stéck dat de Mozart a senger absolutter Glanzzäit komponéiert huet. De Bis vum Concert huet eng ganz besonnesch Bedeitung, well en dem Fagottist vum Orchester, dem Afonso Venturieri, gewidmet gouf, deen an d'Pensioun geet.
No der bekannter 3. Symphonie vum Tschaikowski héiere mir “Modlitwa“ vun der Roxana Panufnik, e Wierk, an deem si eng Melodie vun hirem Papp, dem Andrzej Panufnik, verschafft huet.
Programm:
Wolfgang Amadeus Mozart: Concerto fir Piano, Nr. 23 a La Majeur, K 488
Frédéric Chopin: Nocturne an Do dièse Mineur fir Piano, op. posth.
Piotr Ilitch Tchaikowski: Symphonie Nr. 3 a Ré Majeur, Op. 29
Roxana Panufnik: Modlitwa fir Sträichorchester
Interpreten:
Nelson Goerner, Piano
Orchestre de la Suisse Romande
Jonathan Nott, Direktioun
Presentéiert vum Caroline Mirkes.
