Ëm den Noen Oste geet et haut an direkt zwee Zeitungsleitartikelen: “Nichts zu befürchten”, esou huet de Guy Kemp säin Editorial am Tageblatt iwwerschriwwen. Ouni Drock vu bausse wäert den israeelesche Premier Benjamin Netanjahu säi Krich an der Gazasträif net op een Enn bréngen. Déi zweet Zeitung, där hiren Editorial sech mam Noen Oste beschäftegt, ass haut d’Zeitung vum Lëtzebuerger Vollek. Do fuerdert den Uli Brockmeyer “Sanktionen gegen Israel jetzt!”
Iwwer ee “Parlament ohne Selbstbewusssein” schreift de Laurent Schmit an engem Kommentar bei Reporter.lu: D’Regierung géif d’Chamber mëssuechten. Een Ëmdenke wier néideg, soss géif et een irreparabele Schued fir d’Demokratie ginn, heescht et an dësem Meenungsbäitrag bei Reporter.lu.
“Sportberichterstattung wird weiblicher”, dat kënnegt de Bob Hemmen am Leitartikel am Lëtzebuerger Wort un. Hie stellt fest, datt Medie matbestëmmen, wie gefërdert, gesponsert an als Virbild wouergeholl gëtt.
An am Lëtzebuerger Wort fënnt een haut ee weidere Sportsujet, déi Kéier op de Lokalsäiten. Do gëtt ee gewuer, datt Miersch een neie Sportkomplex plangt ... fir 155 Milliounen Euro!