Rezent Revelatioune ronderëm Interessekonflikter vu verschiddene Membere géifen de Staatsrot erëm an d'Kritik bréngen, esou d'Tageblatt. déi Lénk hat jo gëschter gefuerdert, datt de Staatsrot a senger aktueller Form soll ofgeschaaft ginn. Hannergrond dovun ass een Artikel d'lescht Woch vum Online-Magasinn Reporter, iwwer - Zitat - "offensichtlech Interessekonflikter" vun e puer vun de Membere vum Staatsrot. Am Tageblatt erënnert de Stefan Kunzmann haut och u Kriticken aus der Vergaangenheet.
"Sam Tanson: Pragmatisch durch die Pandemie" schreift d'Luxemburger Wort haut grouss op senger éischter Säit. déi gréng Justizministerin hätt grad an der Gesellschaftspolitik wëllen Akzenter setzen. De Coronavirus hätt hir e Stréch duerch d'Rechnung gemaach, heescht et am Ministerinne-Bilan am Wort.
Dat bedéngungsloost Grondakommes ass an alle Modeller onsozial: där Meenung ass de Christoph Kühnemund haut a sengem Editorial an der Zeitung vum Lëtzebuerger Vollek.