Et wier eng Granat aus dem Zweete Weltkrich gewiescht, déi haut de Moien am Munitiounsdepot vun der Arméi um Waldhaff explodéiert ass. Zwee Enneroffizéier vun der Arméi koumen dobäi em d'Liewen, zwee weiderer goufe blesséiert.
D'Patientevertriedung fuerdert ënnert anerem en nationalen Implantat-Register an eng Garantie, datt et an Zukunft net méi zu Enkpäss bei der Livraisoun vun de Grippe-Impfstoffer kënnt.
D'Danielle Igniti ass neie Member am Verwaltungsrot vum Mudam a vum Comité-directeur vum Nationale Kulturfong.
Haut war déi éischte Reunioun virum Conciliateur tëscht der Cargolux an de Gewerkschaften LCGB an OGBL. Ufank Januar waren déi 2 Syndicaten op d'Conciliatioun gaangen, well ee bei de Verhandlunge fir en neie Kollektivvertrag net viru kéim.
2018 goufen 1.189 Failliten zu Lëtzebuerg déclaréiert, dat ass eng Augmentatioun vun iwwer 30 Prozent am Verglach mam Joer virdrun.
D'Europaparlament huet haut fir méi streng Strofen a besser Kontrolle bei de Véihtransporter uechter Europa gestëmmt. Déi aktuell Regele géifen nämlech net ëmmer agehale ginn.