De Finanzminister rechent fir d'Joer 2018 mat engem Defizit vu ronn 890 Milliounen Euro beim Zentralstaat. De Moien huet de Pierre Gramegna de Budgetsprojet fir d'nächst Joer an der Chamber presentéiert
Den CSV Fraktiounschef Claude Wiseler bezeechent de Budget als ee vun der Kontinuitéit, allerdéngs der Kontinuitéit am Defizit
An zu Schëtter gëtt näischt aus der geplangter 4er Koalitioun, CSV an LSAP zéie sech zréck
An de Verhandlunge ronderëm en neie Kollektivvertrag fir Buschauffere vu private Busentreprisen hätt ee Fortschrëtter gemaach, esou de Romain Daubenfeld vum Onofhängege Gewerkschaftsbond
Bei de schwéiere Bësch- a Buschbränn am Norde vu Kalifornien an den USA, si bis ewell 17 Mënschen ëm d'Liewe komm
Bei schwéieren Iwwerschwemmungen am Vietnam, hunn op d'mannst 29 Mënschen hiert Liewe verluer
De spuenesche Premier Mariano Rajoy huet de katalanesche Premier Carles Puigdemont opgefuerdert, sech méi kloer auszedrécken a kloer ze soen, ob hien dann elo d'Onofhängegkeet vu Katalounien gëschter proklaméiert huet oder net.