Eng Rëtsch Déieren- an Ëmweltschutzorganisatiounen hate virum Tiroler Verwaltungsgeriicht géint eng Decisioun vun der Landesregierung geklot. Déi hat nämlech eng temporär Autorisatioun ginn, fir e Wollef dout ze maachen, dee virdrun eng 20 Schof gerass hat.
Dat éisträichescht Geriicht hat de Fall weider un d‘Europäesch Geriichtsinstanz ginn. Déi koum zur Conclusioun, datt d‘Juegdverbuet nëmmen opgehuewe kéint ginn, wann d‘Wollefspopulatioun an Éisträich an engem gudden a stabillen Zoustand wier, dat wier hei awer net de Fall.