Wéinst de Bauaarbechten un der zweeter Tramslinn um Kierchbierg gëtt vun haut un e kléngt Stéck vum aktuellen Tramstracé um Kierchbierg wärend bal dräi Wochen ënnerbrach. Betraff sinn eng 450 Meter tëschent den Arrête “Rout Bréck-Pafendall“ a “Philharmonie-Mudam“, esou Luxtram.
D‘Passagéier missten deemno do aus dem Tram erausklammen an déi 450 Meter bis zum nächstem Arrêt zu Fouss goen. Dës temporär Ënnerbriechung dauert vun den Owend 9 Auer u bis de Sonndeg, den 9. August inclus.
