Esou een Datepool iwwer d’Reklamme wier wichteg, fir datt Chercheuren an d’Zivilgesellschaft kéinten eventuell Fälschungen oder Campagnen zum Beispill am Zesummenhank mat Walen detektéieren.

Der Kommissioun no liwwert TikTok net déi néideg Informatiounen iwwer de Contenu vun der Publicitéit, iwwer d’Notzer, déi viséiert sinn, an doriwwer, wien déi Reklamme bezuelt huet.

TikTok riskéiert Strof vu 6 Prozent vum Ëmsaz

Et géif sech hei ëm ee virleefegt Resultat vun enger lafender Enquête handelen, heescht et am Communiqué. TikTok huet elo d’Méiglechkeet deem ze widderspriechen.

Wann d’Kommissioun bei dësem Constat bleift, da riskéiert d’Plattform eng Strof bis zu 6 Prozent vun hirem weltwäiten Ëmsaz.