Dem Humza Yousaf seng schottesch Nationalpartei huet nom Broch vun der Koalitioun mat deene Gréngen de leschten Donneschdeg keng Majoritéit méi am Regionalparlament. D‘Oppositioun hat Mësstrauensvotte géint de „First Minister“ selwer, souwéi géint seng Regierung annoncéiert.
Den Interim no senger Demissioun kéint de schotteschen Educatiounsminister John Swinney maachen. Wann d‘Parlament sech net bannent 28 Deeg iwwert en neie Regierungschef eens gëtt, kënnt et zu virgezunnen Neiwalen a Schottland.