Wéi d'Gemeng matdeelt géifen de Ament weider Mesüre iwwerpréift, dorënner d‘Ofschleefe vun Autoen, déi falsch geparkt sinn, an esou Rettungsdéngschter blockéieren.
Problem op der Südsäit vum Stauséi
Der Buergermeeschtesch vun Esch/Sauer, Mireille Welter, no ass d'Situatioun virun allem op de Plage Fuussefeld, Frounbierg, Lëlz a Buerfelt kritesch. Do gëtt et nëmmen een Zougang, dee gläichzäiteg fir eran- an erauszefuere genotzt gëtt.
“Bei eis ass et nëmmen een Zougang, an dat ass fir eran ze fueren a fir eraus ze fueren, dee selwechten. Dat heescht, de CGDIS wäert permanent blockéiert sinn.“
Si recommandéiert de Visiteuren, den Opfangparking ze benotzen. Vun do aus bréngt eng Plagennavette d'Leit bis op d'Plage.
Weider Gemenge kéinten nokommen
D'Mireille Welter geet dovun aus, datt och déi aner Stauséigemenge geschwënn e Grillverbuet annoncéiere wäerten, ausser et géif an den nächsten Deeg vill reenen.
