Solist beim Concert vun der Deutsche Radio Philharmonie ënner dem däneschen Dirigent Michael Schønwandt ass de schottesche Pianist Steven Osborne. Bei dësem Programm trëfft Virtuositéit op sinfonesch Gréisst: Dem Benjamin Britten säi Pianosconcerto a Re Majeur bitt Energie a Kontraster, wärenddeems dem Edward Elgar seng éischt Sinfonie mat vollem Orchesterklang begeeschtert.
Dëse Concert hu mir de 27. Abrëll um 11 Auer an Zesummenaarbecht mam SR Kultur live vu Saarbrécken aus der Congresshalle um radio an opus 100,7 iwwerdroen. De Concert kann ee bis de 4. Mee an der Mediathéik op www.opus.radio nolauschteren.
D'Marie Schockmel vum opus 100,7 an d'Gabi Szarvas vum SR Kultur moderéieren duerch de Concert.
Programm:
Benjamin Britten (1913-1976): Concerto fir Piano a Ré Majeur Op.13
Edward Elgar (1857-1934): Sinfonie Nr.1 a La bémol Majeur Op.55
Interpreten:
Steven Osborne, Piano
Deutsche Radio Philharmonie
Michael Schønwandt, Direktioun
Virum Concert huet d'Gabi Szarvas vum SR Kultur sech mam Michael Schønwandt getraff, fir iwwer de Programm, déi perséinlech Bedeitung vun der englescher Musek fir den Dirigent an och den Theema Fridden ze schwätzen.
