Bei der riets-extremer däitscher Partei AfD ass haut e Krisegespréich iwwer d‘Spionage-Affär tëscht Däitschland a China geplangt. Um Dënschdeg war bekannt ginn, datt och e Mataarbechter vum AfD Politiker Maximilan Krah wéinst Spionage-Verdacht festgeholl gouf. Dee sëtzt elo an Untersuchungshaft.
De Maximilan Krah sëtzt fir d‘AfD am Europaparlament an ass der AfD hire Spëtzekandidat fir d‘Europawalen. Virum geplangte Krisegespréich mat den AfD-Parteispëtzten zu Berlin sot de Maximilan Krah, et géif him näischt virgehäit ginn an hie géif dofir kee Grond gesinn, perséinlech Konsequenzen aus der Verhaftung vu sengem Mataarbechter gesinn.
An de leschten zwee Deeg sinn an Däitschland véier Leit festgeholl ginn, déi verdächtegt gi fir de chineesesche Geheimdéngscht spionéiert ze hunn.