De Wall Street Journal mellt, datt Israel der Hams eng Woch Zäit ginn huet, fir engem Accord zouzestëmmen. Geschitt dat net, da wëllt Israel déi annoncéiert a vill kritiséiert Offensiv op d‘Stad Rafah am Süde vun der Gazasträif maachen, an där 1 Millioun Leit liewen. Vill sinn der aus dem Norde virun der israeelescher Arméi dohi geflücht.
Den amerikaneschen Ausseminister Antony Blinken huet Israel op en Neits virun enger Offensiv op Rafah gewarnt. Déi géif Schied provozéieren, déi wäit iwwer dat ginn, wat akzeptabel ass, esou de Blinken.
Och d‘Weltgesondheetsorganisatioun WHO huet virun esou enger Militäroperatioun gewarnt. Et wier mat engem Massaker ze rechnen, esou d‘WHO.