Den UN-Sécherheetsrot misst de Waffenembargo, dee fir déi westlech Regioun Darfur gëllt, op d’ganzt Land ausweiden, heescht et an enger Petitioun, déi e Méindeg zu Nairobi presentéiert ginn ass.
Millioune Mënschen an Nout kréichen den Ament guer keng Hëllef, esou een Dokter, dee virun e puer Wochen aus de Sudan geflücht ass. Nëmmen een Zéngtel vun de knapp fënnef Milliounen akut ënnerernierte Mënsche kéinten iwwerhaapt vun der humanitärer Hëllef erreecht ginn.