Den 29. an den 30. Abrëll stinn am Stater Conservatoire d’Halleffinalle vum Prix Anne & Françoise Groben op der Affiche. Dëse Concours vum Orchestre de Chambre du Luxembourg soll e Sprangbriet sinn, fir e jonkt Talent aus Lëtzebuerg. Deementspriechend ass d’Dotatioun vun 10.000 € just een Aspekt vum Gewënn. Gläichzäiteg zeechent sech de Concours duerch eng grouss Partikularitéit aus: En ass op fir sämtlech Instrumenter an och fir d’Stëmm.
Mä wéi bewäert een déi eenzel Optrëtter, wann d’Kategorie net festgeluecht ass? Eng Fro, déi de Luc Boentges der Sylvie Charmoy, der Directrice vum OCL, gestallt huet.